Amnesty: "Krime lufte" në Gazë

Organizata për mbrojtjen e të drejtave të njeriut, Amnesty International ka thënë se Izraeli ka kryer krime lufte gjatë operacioneve ushtarake në Gazë më herët këtë vit.

Në një raport të sajin rreth këtij konfliti, Amnesty thotë se gjithashtu Hamas dhe militantë të tjerë palestinez janë fajtor për krime lufte duke hedhur raketa mbi Izraelin jugor.

Amnesty thotë se shkalla dhe intensiteti i sulmeve izraelite mbi Gazën kanë qenë të paprecedendta.

1400 paletsinezë janë vrarë gjatë sulmeve, disa prej tyre me armë joprecize përfshirë predha artilerie me të fosforit të bardhë, armë këto që Amnesty thotë se nuk guxojnë të përdoren në rajone të banuara me civilë.

Raporti përshkruan një pjesë të madhe të shkatërrimit gjatë konfliktit si të pamëshirshëm.

Amnesty gjithashtu thotë se edhe Hamas sëhtë fajtor për krime lufte duke hedhur raketa mbi rajone izarelite nga lagje të banuara me civilë në Gaze, në një rast edhe nga oborri i një shkolle.

Amnesty rekomandon që për momentin të ndërpriten të gjitha ndihmat ushtarake të huaja për Izraelin dhe grupet e armatosura palestineze.

Ndërkohë Izraeli ka këmbëngulur se ka patur në shënjestër vetëm militantët palestinez që kanë qenë të përfshirë në sulme kundër tij.

Ndonëse pranon se ka patur gabime, Izraeli insiston se sjellja e tij ka qenë konform ligjeve ndërkombëtare.