Jeruzalemi Lindor është një qendër e rëndësishme për palestinezët

Përmes presidentit Obama, Uashingtoni e ka nxitur vazhdimisht Izraelin që të ndalë të gjithë aktivitetin ndërtues dhe të rifillojë procesin e paqes

Në një mesazh të plotë në fillim të takimeve javore të kabinetit, Benjamin Netanyahu tha se sovraniteti hebre mbi të gjithë Jeruzalemin ishte i padiskutueshëm.

Javën e kaluar, Departamenti i Shtetit në Uashington thirri ambasadorin izraelit dhe i tha se duhet të ndalte puna në një projekt ndërtimi në Sheikh Jarrah një lagje në Jeruzalemin lindor.

Kjo pjesë e qytetit banohet kryesisht nga arabët, por në të jetojnë 180 mijë izraelitë në vendbanime të ndërtuara vitet e fundit.

Ato konsiderohen si të paligjshme nga Kombet e Bashkuara dhe çështja është një prej pengesave kryesore në arritjen e paqes mes Izraelit dhe palestinezëve.