Karishma Vaswani BBC, Xhakartë

	Noordin Top cilësoi si krijuesi kryesor i bombave për grupin militant

Një zyrtar i lartë i forcës anti-terror, i tha BBC-së se kishte tregues të fortë se bombat ishin të planifikuar nga një ekstremist malajzian, Noordin Top, i cili drejton një fraksioni të grupit Xhemah Islamija.

Tetë persona përfshirë edhe sulmuesit vetëvrasës humbën jetën gjatë shpërthimeve. Mes tyre kishte të paktën katër shtetas të huaj.

Noordin Top akuzohet si një prej krijuesve kryesorë të bombave për grupin, Xhemah Islamija.

Grupi militant ka lidhje me al-Kaedën dhe një histori të gjatë sulmesh me bomba në Indonezi, përfshirë edhe ato në Bali në vitin 2002 ku u vranë mbi 200 vetë.

Shefi i njësisë anti-terror në Indonezi, Ansyaad Mbai beson se qëllimi i sulmeve ishte të turpëronte qeverinë indoneziane, në një kohë kur vendi po gëzon një stabilitet më të madh se në të kaluarën.

Ai tha gjithashtu se koha e zgjedhur për sulmet, u bë në mënyrë simbolike për të koinçiduar me vizitën e klubit të futbollit Manchester United.

Ky i fundit i anulloi planet pas shpërthimeve.