Dëshmitarët thonë se shpërrthimet kanë ndodhur herët në mengjes , por ende nuk ka hollësi se kush mund të ndodhet prapa tyre.

Dy hotelet, Ritz Carlton dhe Marriot, ndodhen në qendër të pjesës afariste të qytetit.

Indonezia në të kaluarën është goditur nga një sërë sulmesh me bomba nga grupe të lidhura me Al Kaidën, përfshirë edhe shpërthimin e vitit 2002 në një klub nate në ishullin Bali kur u vranë rreth 200 vetë.

Presidenti indonezian, Susilo Bambang Judijono ka dënuar sulmet si vepra të pamëshirshme jonjerëzore që cenojnë sigurinë e vendit.

Kreu i komisionit parlamentar për çështje të sigurisë i ka thënë BBC-së se ka shenja që së paku në njërin prej sulmeve mund të ketë qenë i përfshirë një sulmues vetëvrasës.