Nazim Rashidi BBC, Shkup

	'Do të keni lajme të mira,' tha Solana në shkup

Këtë e paralajmëroi një ditë më parë në Shkup, përfaqësuesi i BE-së për Politikë të Jashtme dhe Siguri, Havier Solana.

“Do të keni lajme të mira," tha ai. "Ato kanë të bëjnë me udhëtimet, gjë që do të ndihmojë njerëzit të vendit tuaj, sidmos të rinjtë, që të lëvizin më lehtë në vendet e BE-së”.

Kryeministri i Maqedonisë, Nikolla Gruevski, tha se procesi i liberalizimit të vizave me vendin, ishte rezultat sidomos i punës së qeverisë së tij gjatë tre viteve të fundit,

“Gjatë tre viteve të kaluara u bënë reformat më të rëndësishme, që na sollën deri tek liberalizimi i vizave" tha ai.

Presim që përfundimi i këtij procesi të bëhet në periudhën në vijim dhe nga viti i ardhshëm të vihet në praktikë liberalizmi i vizave”.

Rezerva

Por vëzhguesit e zhvillimeve në Maqedoni tregohen më të përmbajtur.

Në media ka pasur njoftime se data e fillimit të liberalizimit të vizave mund të mos jetë 1 janari i vitit të ardhshëm.

Ato gjithashtu bëjnë thirje që qeveria në Shkup të mos kënaqet vetëm me heqjen e vizave, por të vazhdojë reformat për integrimin e plotë në BE.

Këtë e kërkoi gjatë vizitës në Shkup dhe z. Solana, që nuk ishte në gjendje të njoftonte një datë për fillimin e negociatave përfundimtare për anëtarësim të Maqedonisë në BE.

Maqedonia që prej tre vjetësh ka statusin e vendit kandidat. Shkak për zvarritjen e negociatave është ngecja e vazhdueshme në përmbushjen e reformave.