Angus Crawford BBC, News

	Përkthyesit irakianë shpesh shoqëronin trupat britanike në mision

Pjesa më e madhe e tyre ishin përkthyes që thonë se nuk janë mbrojtur nga sulmet prej milicëve ekstremistë.

Disa prej tyre ishin marrë peng dhe torturuar, ndërsa të tjerët u detyruan të lënë shtëpitë e tyre dhe tani jetojnë si refugjatë në Siri dhe Jordani.

Mijëra irakianë kanë punuar për britanikët, shumë prej tyre si përkthyes.

Në vitin 2003 menjëherë pas pushtimit siguria e tyre u konsiderua si problem.

Kur situata u përkeqësua, ata filluan të ishin në shënjestër për milicët që i shikonin si bashkëpunëtorë dhe pati pengmarrje e vrasje.

Në vitin 2007, pasi një presioni publik, kryeministri britanik njoftoi një skemë për të ndihmuar personelin vendas, por vetëm ata që kishin punuar për një vit mund të përfitonin.

Nga kjo ndihmë nuk përfitonin qindra vetë.

Në fund të kësaj jave, 25 prej tyre do të fillojnë të ndërmarrin veprime ligjore për të paditur qeverinë, e cila nuk kishte arritur t'i mbronte ata.

Disa prej tyre janë refugjatë në Siri, ndërsa të tjerët janë fshehur në Basrë.

Ata ankohen se për shkak të punës me forcat britanike, janë me shenjë në komunitetin e tyre, duke e patur të vështirë të gjejnë punë dhe duke jetuar me frikë.