Nazim Rashidi BBC Shkup

Autoritetet thonë se dy personat kanë ardhur nga jashtë shtetit, njëri nga Londra dhe tjetri nga SHBA-të.

Pas dyshimeve, tani priten rezultatet e analizave.

Autoritetet kanë vazhduar të bëjnë thirrje për kujdes, sidomos tani kur në Maqedoni pritet që të shtohet numri i vizitorëve që jetojnë apo që kthehen nga vende të huaja.

Për momentin, në Maqedoni në spital infektiv janë shtruar shtatë persona. Gjendja e tyre shëndetësore thuhet se është e qëndrueshme.

Autoritetet thonë se po ndërmarrin masat dhe janë pajisur me medikamentin Tamiflu për të përballuar rritjen e numrit të të infektuarve.

Ato thonë se nga gripi mund të preken deri në 30 përqind e popullsisë.