BBCAlbanian.com
 
Botuar: E hënë, 13 korrik 2009 - 16:56 CET
 
Dërgoja një miku   Version i printueshëm
KQZ i jep PS mandatin e nëntë në Fier
 

 
 
KQZ
Në Shqipëri, Komisioni Qendror i Zgjedhjeve ka vendosur që t’ia kthejë koalicionit të PS, mandatin e 9 në qarkun e Fierit.

Ky vendim erdhi pasi u rinumëruan votat në 7 prej kutive të votimit në këtë qark.

Por PD reagoi menjëherë duke deklaruar se për këtë çështje do t’i drejtohet kolegjit zgjedhor, organ që shqyrton ankesat përtej vendimeve të KQZ-së.

KQZ gjithashtu hodhi poshtë një tjetër kërkesë të PS për të rinumëruar votat në disa kuti në qarkun e Beratit.

Kryetari i PS, Edi Rama, përsëriti se kjo forcë politike nuk do të njohë rezultatin e zgjedhjeve përpara se të jetë hedhur dritë mbi të gjitha dyshimet që ka kjo parti për procesin zgjedhor në Berat, Tiranë, Shkodër dhe gjetkë.

Por PD e dënoi me ashpërsi atë që e quajti presion të z. Rama, që, sipas saj, përpiqet të maskojë përgjegjësitë e tij për humbjen e zgjedhjeve.

Tejzgjatja e nxjerrjes së rezultatit përfundimtar ka ulur ndjeshëm vlerësimin e ndërkombëtarëve për zgjedhjet në Shqipëri.

 
 
GJITHASHTU
 
 
Dërgoja një miku   Version i printueshëm
 
 
 
BBC ©
 
^^ Kthehu në krye
 
  Arkiv
 
  BBC News >> | BBC Sport >> | BBC Weather >> | BBC World Service >> | BBC Languages >>