E ardhmja politike e zotit Aso u trondit nga zgjedhjet e Tokios

Zyra e kryeministrit tha se ai kishte rënë dakord për datën me partinë e tij Liberaldemokrate dhe një partner të koalicionit, nëse ky vendim që ndodhet para parlamentit miratohet.

Agjencia japoneze e lajmeve, Kyodo njoftoi se zoti Aso u tha deputetëve se parlamenti do të shpërbëhej më 21 korrik.

Ky vendim erdhi pasi partia e zotit Aso, Liberal-demokratët (LBD) pësuan një humbje të madhe në zgjedhjet për Bashkinë e Tokios.

Ditën e djelë LDP, që kishte qeverisur Japoninë për gati 50 vjet, humbi kontrollin e Asamblesë Metropolitane të Tokios.

Kjo disfatë e kombinuar edhe me recesionin ekonomik, ripërtërinë spekullimet lidhur me planet e ardhshme të kryeministrit dhe perspektivën e partisë së tij në zgjedhjet kombëtare.

Zoti Aso që ka një mbështetje prej rreth 20% dhe është përballur me rebelim brenda partisë së tij.

Kryeministri mund të vihet nën presion të madh edhe për t'u larguar nga kreu i LBD-së përpara zgjedhjeve të përgjithshme që duhet të mbahen përpara muajit tetor.