Ish presidenti ka luajtur një rol kyç në strategjinë anti-terror në SHBA

Kryetarja e Komisionit të Senatit për Shërbimet sekrete, Dianne Feinstein, tha se shefi i ri i CIA-s, Leon Panetta, i tha Kongresit muajin e kaluar se i ishte thënë që zoti Cheney e kishte dhënë këtë urdhër direkt.

Senatorja Feinstein tha se paaftësia për të njoftuar Kongresin ishte një problem i madh, pasi ligji ishte shumë i qartë.

Por senatori republikan, John McCain tha se ishte ende herët për të diskutuar ndonjë hetim formal në këtë program që nuk u bë plotësisht operativ.

"Unë fillimisht dua të njihem me faktet e kësaj çështjeje përpara se ajo të kthehet, e citoj, në hetim."

"Sa kohë ka që drejtori i CIA-s është në dijeni të këtij programi dhe kur i ka dhënë ai fund atij?"

"Të gjitha këto gjëra ndoshta do të diskutohen në javët e ardhshme," tha senatori McCain.

Shefi i CIA-s, Panetta i tha Komisionit të Senatit se programi ishte mbajtur i fshehur për tetë vjet përpara se të mbyllej, kur ai e mori vesh për herë të parë në muajin qershor.