Hebrenjtë haredi bëjnë interpretim strikt të fesë

Përleshja ndodhi në prag të protestës më të fundit të hebrenjve haredi ndaj asaj që disa e konsiderojnë si përdhosje të së Shtunës hebraike.

Hebrenjtë ultraortodoksë kanë protestuar gjatë javëve të fundit kurndër hapjes së një parkimi në Jeruzalem ditën e pushimit të fesë hebraike.

Përplasjet ndodhën në orët e para para protestës që tashmë është bërë e përjavshme nga hebrenjtë besimtarë në Jeruzalem.

Tensione

Policia thotë se nuk i di arsyet e saj, por dy nga të plagosurit u goditën me thikë.

Njoftohet se tre të lënduarit tani po mjekohen në spital.

Vendi ku ndodhi ngjarja është në një lagje konservatore fetare.

Atje tensionet mes hebrenjve fetarë e shekullarë janë përshkallëzuar që nga hapja e një parkimi të ri për makina ditën e shtunë.

Hebrenjtë haredi besojnë se kjo do të inkurajonte hapjen e dyqaneve në këtë ditë, në kundërshtim me interpretimin e tyre strikt të fesë së tyre.