Gjatë 24 orëve të fundit janë vrarë tetë britanikë

Gjithsej 184 ushtarë britanikë janë vrarë deri tani në Afganistan, 15 prej tyre vetëm gjatë kësaj jave. Tetë prej tyre u vranë gjatë 24 orëve të fundit.

Por ndërsa në Britani po kthehen gjithmonë e më shumë arkivole të mbështjellë me flamur, po shtohen pikëpyetjet rreth përfshirjes së vendit në ofensivën e atjeshme dhe ndaj objektivave të saj.

Në një përpjekje për të siguruar mbështetje, z. Milliband argumentoi se trupat britanike në Afganistan po luftonin për të ardhmen e vendit të tyre.

"Ne e dimë se zonat e thella malore të Afganistanit dhe Pakistanit, zona kufitare mes tyre, janë përdorur për të kryer sulme të tmerrshme mbi SHBA dhe Britaninë.

E dimë se deri në momentin kur të sigurohemi se forcat afgane mund të ofrojnë një siguri minimale për popullin e tyre, ne nuk do të jemi të sigurt në tokën tonë", tha ai.

Shqetësime

Ky objektiv gëzon mbështetje të gjerë në Britani, por tani çështja që po diskutohet është nëse janë dislokuar trupa të mjaftueshme britanike për t'i mundur talebanët dhe nëse ata kanë pajisje të mjaftueshme.

Shqetësim ka dhe për përkufizimin e 'fitores' në këtë rast.

David Milliband thotë se fitorja do të arrihet kur forcat afgane të jenë në gjendje të mbrojnë vendin e tyre.

Por ndërkohë talebanët po bëjnë rezistencën më të fuqishme të viteve të fundit ndaj forcave të huaja.

Kreu i forcabve të armatosura britanike, Air Chief Marshall Sir Jock Stirrup, e përshkropi situatn në Afganistan si jashtëzakonisht të vështirë, në veçanti në provincën e Helmandit ku operjonë shumica e 9 mijë ushtarëve britanikë.

Synimi është që këtë vit të arrihet përparim i dukshëm ndaj talibanëve. Ushtarakihst kjo është me rëndësi jetësore.

Por sigurimi i vendosmërisë politike dhe ruajtja e mbështetjes së opinionit për këtë betejë, po bëhen gjithashtu gjithmonë e më të rëndësishme.