Jonuz Hallaçi BBC Tiranë

Zëdhënësja e PS-së, Armela Ymeraj ka shtuar se PS-ja ka ankimuar në KQZ vendimin për mos numërimin e votave në kutitë e mbetura të panumëruara, ku kjo parti pretendon të marrë mandatin e nëntë të saj.

PS-ja e ka kushtëzuar njohjen e rezultatit përfundimtar të zgjedhjeve pikërisht me numërimin e votave të Fierit dhe rimarrjen e mandatit që sipas saj po tentohet të grabitet nga Partia Demokratike.

Pas ankimimit në KQZ- i hapet rruga ankimimit të rezultatit dhe në Kolegjin Zgjedhor të Gjykatës së Apelit në Tiranë i cili është organi që jep verdiktin përfundimtar.

Reagimi demokrat

I pyetur nga BBC-në për këtë deklaratë të PS-së, deputeti demokrat dhe njëherësh kryetar i PD-së për Tiranën, Aldo Bumçi tha se Partia Socialiste është sovrane në vendimin e saj dhe se ajo ka bërë vlerësimin e saj për zgjedhjet që ditën e parë, duke e cilësuar procesin të rregullt dhe se nuk është devijuar vullneti i zgjedhësve. eë nuk mund të ndryshojmë vullnetin e zgjedhësve i cili e ka lënë në opzoitë Partinë Socialiste, " tha deputeti Bumçi, i cili ka shtuar se ende nuk ka veprime konkeret rreth koalicionit mes PD-së dhe LSI-së.

Sot pritet që KQZ-ja të vendosë dhe për tabelat përmbyllëse për qarqet e Vlorës dhe Elbasanit.

KQZ-ja ka përmbyllur procesin në disa qarqe, mes tyre dhe për Tiranën, ku dy partitë e mëdha PD dhe PS, kanë nga 15 mandate, ndërkohë që LSI-ja dhe PR-ja kanë nga 1 mandat për në Kuvendin e Ri.