Irakianët janë përgjegjës për sigurinë në qytete

Një sulm i dyfishtë vetëvrasës në veri të Irakut la të vrarë të paktën 34 persona.

Sulmi që ndodhi në qytetin Tal Afar la dhe 60 persona të plagosur.

Njoftohet se shpërthimet ndodhën disa minuta njëra pas tjetrës.

Sulmi i dytë u krye teksa njerëzit po mblidheshin në vendndodhjen e sulmit të parë.

Një sulm të dyfishtë ka patur dhe në kryeqytet, në Bagdad.

Të paktën 7 persona u vranë në një sulm në lagjen Saadr. Njoftohet se 20 të tjerë janë plagosur.

Ditë e përgjakshme

Kjo ishte dita më të përgjakshme që ka përjetuar vendi që nga tërheqja e trupave amerikane nga qytetet irakiane.

Trupat luftarake amerikane u tërhoqën nga qytetet irakiane javën e kaluar.

Presidneti amerikan, Barack Obama e ka përshkruar dorëzimin e përgjegjësisë tek irakianët si moment historik.

Por ai ka paralajmëruar se udhëheqësit e Irakut do të përballeshin me një situatë të vsëhtirë në fushën e sigurisë dhe në politikë.

Tërheqja nga qytetet i prin largimit të plotë të trupave amerikane nga Iraku të planifikuar për vitin 2012.