Dy presidentët kanë diskutuar për çarmatimin

Marrëveshja parashikon shkurtimin e numrit të mbushjeve bërthamore nga arsenali që kanë të dy vendet, nën 1700 brenda shtatë vjetësh që nga hyrja në fuqi e marrëveshjes.

Kjo marrëveshje, nëse nëdnshkruhet, do të zëvendësojë Traktatin START të nënshkruar në vitin 1991, i cili skadon në dhjetor.

Marrëveshja për armët bërthamore ishte një ndër tetë dokumentet e nënshkuar nga dy udhëheqësit për një sërë çështjesh.

Zoti Obama tha se Shtetet e Bashkuara dhe Rusia kishin rënë dakord që të shtypnin butonin e riaktivizimit të marrdhënieve dypalëshe.

Moska ra dakord, gjithashtu, të lejojë shfrytëzimin e hapësirës së saj ajrore nga avionët amerikanë që dërgojnë pajisje ushtarake në Afganistan.

Presidentët Obama dhe Medvedev do të ngrenë një komision të përbashkët për të bashkëpunuar për çështjet e energjisë, luftës kundër terrorizmit dhe trafikimit të drogës.

Palët do të rifillojnë, gjithashtu, bashkëpunimin ushtarak i cili u pezullua vitin e kaluar për shkak të konfliktit të armatosur mes Rusisë dhe Gjeorgjisë.