Përkrahës të Ahmedinejadit protestuan para ambasadës britanike

Ministria e jashtme britanike tha se me urgjencë po kërkonte konfirmim nga Irani për këtë gjë.

Nëntë punonjësit e ambasadës u arrestuan fundjavën e kaluar. Qeveria britanike ka bërë të ditur se tashmë mbahen vetëm dy të arrestuar, ndërsa të tjerët u liruan.

Qeveritë e BE-së po konsiderojnë që përkohësisht të tërheqin ambasadorët e tyre nga Irani në shenjë proteste ndaj arrestimeve.

"Në këto incidente, ambasada e tyre kishte prani, disa persona janë arrestuar," tha Ajatollah Ahmad Jannati, kreu i Këshillit të Gardianëve sipas agjencive të lajmeve.

Duke folur në lutjet e të premtes, ai bëri të ditur se sa punonjës do të dilnin në gjyq dhe për çfarë akuzash.

Ajatollah Jannati tha se "armiqtë e vendit" kishin komplotuar "revolucionin e kadifenjtë" në republikën islamiste, njoftoi agjencia e lajmeve AFP.

Teherani vazhdimisht ka akuzuar fuqitë e huaja, veçanërisht Britaninë dhe SHBA-në për ndërhyrje në zgjedhje dhe nxitje të protestave.

Britania ka protestuar me forcë kundër arrestimeve dhe ka hedhur poshtë akuzat iraniane si të pabaza.

Udhëheqësi suprem i Iranit, Ajatollah Ali Khamenei, muajin e kaluar, e përshkroi Britaninë si "me e keqja" ndër armiqtë.