BBCAlbanian.com
 
Botuar: E mërkurë, 01 korrik 2009 - 15:51 CET
 
Dërgoja një miku   Version i printueshëm
PS e PD përplasen për rezultatin
 

 
 
KQZ
KQZ ende nuk ka dalë me rezultat zyrtar përfundimtar
Tri ditë pas votimit në zgjedhjet parlamentare në Shqipëri, dy partitë rivale kanë bërë deklarata të kundërta lidhur me rezultatin e mundshëm të votimit.

Ende nuk ka një përfundim zyrtar të rezultatit të zgjedhjeve.

Të mërkurën pasdite dy partitë kryesore që pretendojnë se janë fituese të zgjedhjeve, Partia qeverisëse Demokratike (PD) dhe Partia Socialiste (PS) e opozitës, kanë ngritur tonet dhe akuzat në drejtim të njëra-tjetrës.

Zëdhënësja e fushatës elektorale të PD-së, Majlinda Bregu shpalli fitoren e koalicionit Aleanca për Ndryshim me 71 mandate.

“Nuk ka më dyshim që maxhoranca aktuale dhe koalicioni Aleanca për Ndryshim do të qeverisin Shqipërinë për katër vitet e ardhshme,” tha zonja Bregu në një prononcim për median.

“Kemi 71 mandate,” tha ajo.

Zonja Bregu ftoi Komisionin Qëndror Zgjedhor dhe Komisionet Zonale të Administrimit të Zgjedhjeve për të përfunduar procedurat dhe përllogaritjet e fundit për të konfirmuar rezultatin e pretenduar nga PD-ja.

PS-ja ka hedhur poshtë deklarimin e fitores nga PD-ja, duke e konsideruar veten fituese të zgjedhjeve.

“Është një shprehje ogurzezë e një plani ogurzi për të grabitur fitoren tonë," tha Ditmir Bushati, kandidat i PS-së për deputet duke komentuar deklaratat e zëdhënëses së PD-së.

"Jo vetëm që PD-ja nuk i ka 71 mandate, por dhe në 70 që numëron për momentin, ka mandante që s’janë të sajat, por tonat,” tha zoti Bushati duke paralajmëruar se PD-ja po përgatit manipulime.

"Nëse do të vazhdojë kjo situatë atëherë do të ketë një reagim të fuqishëm opozitar," tha përfaqësuesi i PS-së.

KQZ-ja tha se shumica e numërimit të votave në disa qarqe ka përfunduar normalisht, ndërkohë që situata është përqëndruar në disa kuti votimi në Fushë Kuqe të qarkut të Lezhës, në Bushat të Shkodrës dhe në Fier.

Dy partitë kryesore politike akuzojnë njëra-tjerën për bllokim të procesit, ndërkohë që KQZ-ja po ndjek nga afër situatën dhe thotë se po merr masat përkatëse për ta zhbllokuar.

Rezultati i ngushtë i publikuar nga KQZ-ja ndërsa ka vazhduar ngadalë numërimi i vota i kishte bërë dy udhëheqësit e partive kryesore, Sali Berishën e PD-sëa dhe Edi Ramën e PS-së, të ishin të kujdesshëm në deklarimet e tyre.

Të dy udhëheqësit përshëndetën ecurinë e votimeve dhe u bënë thirrje mbështetësve të tyre të prisnin me durim deklarimin e rezultateve përfundimtare.

Duket se me kalimin e kohës polemikat po shtohen dhe ty dyja palët akuzojnë njëra-tjetërn për pengim të ecurisë së numërimit të votave.

 
 
LOKALE
Barazim vendesh mes dy kampeve
01 korrik 2009 | Rajoni
Numërimi i votave i afrohet fundit
30 qershor 2009 | Rajoni
Partosh komenton raportin
30 qershor 2009 | Faqja Kryesore
Zëdhënësi i OSBE-ODIHR-it flet për BBC-në
30 qershor 2009 | Faqja Kryesore
BE: Zgjedhje pozitive
30 qershor 2009 | Faqja Kryesore
Bregu e Islami për procesin zgjedhor
29 qershor 2009 | Rajoni
OSBE: Zgjedhjet test për Shqipërinë
28 qershor 2009 | Faqja Kryesore
GJITHASHTU
 
 
Dërgoja një miku   Version i printueshëm
 
 
 
BBC ©
 
^^ Kthehu në krye
 
  Arkiv
 
  BBC News >> | BBC Sport >> | BBC Weather >> | BBC World Service >> | BBC Languages >>