Trupat amerikane tërhiqen pas 6 vjetësh

Kryeministri irakian, Nouri al-Maliki, e ka shpallur të martën si ditë të sovranitetit kombëtar dhe e ka shpallur ditën ditë publike.

Në Bagdad ka patur festime dhe fishekzjarre.

Si irakianët dhe amerikanët e përshëndesin këtë si moment të madh dhe të rëndësishëm.

Roli ushtarak i SHBA-së tani do të kufizohet tek trajnimi dhe operacionet e përkrahjes nga një numër i vogël trupash.

Të tjerët janë rivendosur në baza jashtë kufijve të qyteteve, duke ia lënë sigurinë e përditshme irakianëve.

Intensifikim i dhunës

Nëse forcat irakiane do të ndeshin në ndonjë problem dhe do të kenë nevojë për ndihmë, ata mund të thërrasin amerikanët.

Ndërsa afronte fundi i afatit, në Irak ka patur një rritje të papritur të sulmeve me bomba.

Rreth 250 vetë janë vrarë në një valë sulmesh në prag të tërhqjes amerikane, kryesisht në zonat shiite

Por kjo nuk është ajo lloj dhune për të cilët amerikanët mund të bëjnë ndonjë gjë.

Autoritetet irakiane kanë besim se forcat e tyre të sigurisë do të mund ta përballen me këtë gjendje.