Trupat amerikane priten të tërhiqen në fudn të muajit

Sulmet ndodhin pak më shumë se një javë para se të skadojë afati për kompletimin e tërheqjes së trupava amerikane nga qytetet irakiane të planifikuar për në fund të muajit.

Policia njoftoi për të paktën 6 shpërthime bombash në pjesë të ndryshme të Bagdadit dhe në zonat përreth.

Numri i viktimave në secilin prej tyre shkon nga 2 deri ne pesë.

Më i rëndi ishte ai me një makinë autobombë në selinë e bashkisë në Abu Ghraib në perëndim të Bagdadit.

Pati disa sulme me bomba të vendosura në krah të rrugëve dhe në kryeqytet.

Sinjal i kryengritësve

Por asnjëri prej këtyre sulmeve të së hënës nuk ishte aq i rëndë sa sulmi masiv me një kamion të mbushur me eksplozivë që la mbi 70 të vdekur pranë Kirkukut në veri të shtunën.

Korrespondenti i BBC-së në Bagdad, Jim Muir, thotë se me kaq shumë sulme brenda një hapësire të shkurtër kohore duket se kryengritësit po sinjalizojnë se duan që ta bëjnë situatën të duket sa më pak të qëndrueshme.

E gjitha kjo, thotë ai, bëhet teksa afrohet data për largimin e gjithë trupave amerikane nga qytetet irakiane.