Në një fjalim para mjekëve, zoti Obama paralajmëroi për shpenzimet jashtëzakonisht të mëdha në shëndetësi të cilat ai tha mund ta çojnë vendin në falimentim.

Historia bashkohore amerikane është pëprlot përpjekje të dështuara për të reformuar sistemin shëndetësor të vendit, por ai vazhdon të jetë i shtrenjtë dhe joefektiv ndonëse Shtetet e Bashkuara shpenzojnë 50 përqind më shumë për banorë se sa çdo vend tjetër në botë.

Kompanitë amerikane të ilaqeve, mjekët dhe kompanitë e sigurimeve shëndetësore u kanë rezistuar përpjekjeve për të krijuar një sistem shëndëtesor për të gjithë të stilit evropian duke paralajmëruar nga rreziku i mjekësisë së ashtuquajtur sociale.

Një opsion në të cilin po punon adminisitrata e Obamës është krijimi i dy skemave paralele, njëra private dhe tjetra shtetërore për 46 milionë amerikanë që nuk kanë sigurime shëndetësore.