Këshilli Kujdestar i Mbrojtjes, i cili është organi më i lartë legjsilativ në vend më heret tha se rezultatet ishin paraprake.

Autoritetet iraniane kanë njoftuar për kufizime të mëdha për median e huaj, duke i ndaluar ato nga pjesëmarrja apo raportimi i demostratave pas pasur leje të posaçme zyrtare.

Korrespondenti i BBC në Teheran, thotë se kjo është shënjë e betejës së madhe pas kuintave, lidhur me atë se si duhet të reagojnë pas krizës.

Ndërkohë media shtetërore e Iranit thotë se 8 vetë kanë vdekur gjatë protestave të djeshme në Teheran rreth rizgjedhjes së presidentit Ahmadinexhad.

Njoftimet e atjeshme bëjnë të ditur se vdekjet kishin ndodhur kur disa persona që media shtetërore i përshkruan si "gangsterë" kishin sulmuar një pikë ushtarake.

Korrespondenti i BBC-së Jon Leyne thotë se nga ajo që atij i dukej si protestë kryesisht paqësore varianti i sulmit mbi pikën ushtarake duket si vështirë për t'u besuar.

Këshilli Kujdestar i vendit ka përshkruar rezultatet e zgjedhjeve të debatueshme si paraprake.

Korrespondenti i BBC-së thotë se duket sikur mbështetja e autoriteteve për presidentin Ahmadinexhad po zbehet.

Ndërkohë presidenti Obama thotë se ishte i shqetësuar rreth dhunës në Iran si dhe i bëri thirrje Iranit që të respektojë lirinë e shprehjes dhe procesin demokratik.

Ai tha se bota ishte e frymëzuar nga demonstruesit iranainë që po dalin në rrugë por se administrata e tij do të vazhdojë rrugën e dialogut me qeverinë e atjeshme.