Zëdhënësi i kryeministri izraelit, Marg Regev i ka thënë BBC-së se e ardhmja e venbanimeve do të vendoset përmes negociatave.

Komentet e tij ishin si reagim ndaj thirrjeve të sekretares amerikane të shtetit, Hilari Klinton e cila tha se presidenti Obama dëshironte që të ndalej aktiviteti ne vendbanimet hebrenje në territoret palestineze, pa dallim.

Zonja Klinton bëri thirrje për ngrirje të plotë në rritjen e vendbanimeve hebrenje në tokat palestineze dhe këtu përfshihet edhe rritja natyrale.

Rritja natyrale për izraelitët nënkupton ndërtimet brenda vendbanimeve aktuale.

Në Shtetet e Bashkuara ekziston një lobi i fuqishëm dhe shumë i organizuar pro-izraelit, por kur është fjala për vendbanimet izraelite në territoret e pushtuara palestineze, sipas korrespondentes së BBC-së ka një rritje në Shtetet e Bashkuara të mbështetjes për administratën e Obamës e cila sipas tyre po e merr seriozisht paqën në Lindjen e Mesme.