BBCAlbanian.com
 
Botuar: E hënë, 25 maj 2009 - 09:53 CET
 
Dërgoja një miku   Version i printueshëm
Raporti i BE-së komentohet ndryshe
 
Vulë mbi një pasaportë
Qeveria shqiptare e ka premtim elektoral liberalizimin e vizave
Në Tiranë forcat politike lexojnë ndryshe nga njëra-tjetra një raport të Brukselit për liberalizimin e vizave.

Por ato pranojnë se zgjedhjet e 28 qershorit janë shansi vendimtar për këtë.

Në Tiranë prej disa ditësh është mësuar përmbajtja e një raporti të Komisionit Evropian për Shqipërinë, i cili fillon të shqyrtohet të hënën në Bruksel me ekspertë të vendeve të BE-së.

Pritet që në fund të qershorit, vendeve të BE-së t'u rekomandohet heqja e vizave me Maqedoninë që i përmbush, sipas raportit të gjitha kriteret.

Shqipëria vlerësohet të jetë mbrapa Malit të Zi dhe Serbisë dhe në një grup me Bosnjë Hercegovinën, në përmbushjen e tyre.

Vlerësimi i Komisionit Evropian vjen në kohë fushate zgjedhore në Shqipëri dhe lexohet ndryshe nga forcat politike, por ato pranojnë se zgjedhjet janë prova e vërtetë e Shqipërisë për të përfituar liberizmimin e vizave me vendet e BE-së.

Preç Zogaj, Kryetari i Komsionit të Jashtëm të Kuvendit thotë se nuk i vjen mirë që një shqiptar i Maqedonisë, vend që nuk është në NATO, do të lëvizë nëpër Evropë pa viza më shpejt se një shqiptar i Shqipërisë që është një vend antar i Nato-s.

Demokratët thonë se premtimi i tyre është për lëvizje të lirë brenda vitit të parë të mandatit të tyre qeverisës dhe se qytetarët duhet të pajisen sa më shpejt me dokumenta identifikimi të sigurta:letra njoftimi dhe pasaporta biometerike.

Por Ditmir Bushati ish drejtori i Lëvizjes Evropiane që kandidon për deputet nga PS e opozitës, thotë se qeveria aktuale është përgjegjëse e kësaj ngadalësie në plotësimin e ëndrrës shqiptare për lëvizje të lirë në Evropë.

Mësohet se Shqipërisë do t'i duhet edhe një raport tjetër, ai i vjeshtës për të arritur një përfundim që do të varet nga mënyra se si do të kryhen zgjedhjet e 28 qershorit.

 
 
LOKALE
Shpresë për heqjen e vizave
30 prill 2009 | Faqja Kryesore
GJITHASHTU
 
 
Dërgoja një miku   Version i printueshëm
 
 
 
BBC ©
 
^^ Kthehu në krye
 
  Arkiv
 
  BBC News >> | BBC Sport >> | BBC Weather >> | BBC World Service >> | BBC Languages >>