Violeta Hyseni BBC Prishtinë

	Arkiv: Protesta në veri të Mitrovicës

Ata protestuan kundër shkëputjes kolektive të fshatit nga rrjeti elektrik për shkak të mospagesës së energjisë.

Protesta e tyre ka përfunduar pa incidente, por zyrtarë të policisë thonë se situata mbetet e tensionuar.

Policia njofton se pas protestave të dhunshme të së dielës në fshatin Korminjan të Kamenicës janë arrestuar pesë persona.

Ata dyshohet se kanë gjuajtur në drejtim me policisë me gurë, koktej molotovi dhe mjete tjera të forta.

Policia thotë se 21 pjesëtarë të forcave të rendit u lënduan gjatë protestave.

Thirrje për dialog

Ndërkohë të hënën kanë vazhduar bisedimet ndërmjet banorëve serbë dhe Korporatës Energjetike të Kosovës.

Protesta e qetë e rreth 100 serbëve të fshatit Pasjan, u shpërnda pas një ore pas negociatave me policinë.

Protestuesit kundërshtojnë vendimin e Korportatës Energjetike të Kosovës për shkëputjen e disa fshatrave serbe nga rrjeti elektrik, për shkak të borxheve të mëdha ndaj Korporatës.

Por serbët lokalë kanë paralajmëruar vazhdimin e protestave.

Zyrtarët në Prishtinë dhe në Beograd u kanë bërë thirrje serbëve të rajonit të Gjilanit që t’i ndërpresin protestat dhe t'i zgjidhin problemet përmes dialogut.