Obama konfirmon mbështetjen për CIA-n

Në vizitën e tij të parë në selinë e CIA-s në Langley, pranë Uashingtonit, zoti Obama lavdëroi agjencinë duke thënë se ishte e vështirë të veproje përballë armiqve të paskrupuj, por vuri në dukje se SHBA duhet të veprojnë sipas standardeve më të larta morale.

Ai i garantoi përsëri agjentët e CIA-s se ata nuk do të përballen me akuza lidhur me teknikat e marrjes në pyetje që tani janë ndaluar, teknika që kritikët thonë se shkonin deri në torturë.

Zoti Obama u prit atje siç pritet zakonisht, me entuziazmin që tregohet ndaj një ylli rroku - që është pak e çuditshme që vjen nga një organizatë agjentësh të fshehtë - por ndoshta pati edhe pak tension sepse vizita vinte pas publikimit në media të të ashtuquajturave dokumenta të torturës.

Duhet ta dini se keni mbështetjen time të plotë.   Presidenti amerikan Obama

Mesazhi nga presidenti e cila u prit mirë, ishte: "Unë ju mbështes deri në fund", por këtu ka edhe çështje të tjera serioze që lidhen me imunitetin e agjentëve të CIA-s.

Pritje e ngrohtë

Megjithë tensionet që kanë përfshirë Shtëpinë e Bardhë dhe CIA-n, shqetësimi në mesin e agjentëve të CIA-s se publikimi i këtyre dokumenteve të CIA-s, që jepnin justifikimin ligjor që administrata e Bushit kishte përdorur për ato teknika pyetjeje, ai u prit ngrohtë, përgjithësisht pse ai doli dhe u tha atyre se ai e ndjen dhimbjen e tyre, ai e kuptoi se ata ishin të shqetësuar në lidhje me publikimin e dokumentave, por ai i garantoi ata se ata kishin mbështetjen e tij të paekujvok.

"Duhet ta dini se keni mbështetjen time të plotë," tha zoti Obama.

"Unë mbështetem në informacionet tuaja dhe analizat tuaja që vijnë në tavolinën time çdo ditë dhe unë e dij se ju keni një detyrë të vështirë dhe ajo që e bën atë të vështirë është se kur ju keni sukses, sikurse e bëni shpesh, ai sukses zakonisht duhet të mbetet sekret.

"Pra ju nuk merrni merita kur gjerat shkojnë mirë, por sigurisht që merrni një pjesë të fajit kur gjerat nuk shkojnë mirë."

Mesazhi tjetër që ai pati ishte: Shikoni është e rëndësishme që, nëse në të shkuarën janë bërë gabime, ato duhen pranuar, dhe se ishte shumë e rëndësishme se çfarëdo që amerikanët bënin për të mbrojtur vendin e tyre, veçanërisht oficerët e CIA-s, ishte e rëndësishme që ta kryenin punën e tyre sipas standardeve më të larta morale.

"Ajo që i bën Shtetet e Bashkuara të veçanta dhe çfarë ju bën ju të veçantë është pikërisht fakti se ne jemi të gatshëm t'i ruajmë vlerat dhe idealet tona edhe kur është e vështrië, jo thjesht vetëm kur është e lehtë," tha presidenti amerikan para agjentëve të CIA-s.

Thirrje për hetim

Zoti Obama është shprehur disa herë, ashtu si edhe zyrtarët e tij nëpër mediat e ndryshme në fundjavë, se tani nuk është koha për të ndëshkuar, por për të reflektuar.

Këto fjalë erdhën edhe nga vetë Leon Paneta, kreu i CIA-s, që sikurse kuptohet nuk ka qenë dakord me vendimin e presidentit për t'i bërë publike këto dokumenta.

Por ka edhe një lloj ngërçi brenda partisë së tij, apo në mesin e disa përfaqësuesve të lartë në senat, që thonë: Jo, ne duhet ta shqyrtojmë seriozisht këtë çështje.

Një sentor i lartë dmokrat i bëri thirrje presidentit të mos i përjashtojë ndjekjet penale në mënyrë absolute duke thënë se duhet bërë një hetim.