Hetuesit lejoheshin t'i shkaktonin të pandehurit dhimbje por jo serioze.

Në komunikimet me CIA-n, Departamenti i Drejtësisë i këshillonte hetuesit se cilat metoda ishin ligjërisht të pranueshme gjatë marrjes në pyetje të të dyshuarve për akte terrorizmi. Ndër to përfshihet marrja e dëshmive nga të pandehurit me anë të teknikës së hedhjes ujë mbi fytyrën e tij të mbështjellë me rrobë, duke i krijuar ndjesinë se po mbytet.

Sipas këshillës së Departamentit të Drejtësisë, hetuesit lejoheshin t'i shkaktonin të pandehurit njëfarë dhimbjeje fizike, por jo serioze.

Presidenti Obama tha se zyrtarët e CIA-s që kanë përdorur teknika të tilla nuk ka gjasa të ndiqen penalisht për veprime të kryera në bazë të këshillave ligjore të kohës. Ai tha se tani është koha për reflektim, jo për ndëshkim.

Grupet e të drejtave të njeriut e kanë kritikuar deklaratën e zotit Obama. Amnesty International e përshkroi atë si "fletëdalje nga burgu" për punonjësit e CIA-s që kishin përdorur torturë ndaj të dyshuarve për terrorizëm.