Jill McGivering Korrespondent e BBC-së

	Ndihma amerikane për forcat e Pakistanit mund të ketë kushte

Zoti Qureshi ishte duke folur në një konference shtypi sëbashku me të ngarkuarit amerikanë, Richard Holbrooke dhe admiralit Mike Mullen që janë në Islamabad për të diskutuar strategjinë e rishikuar kundër talebanëve dhe Al Kaedës.

Ministri i jashtëm Qureshi tha se Pakistani dhe Shtetet e Bashkuara mund të punojnë sëbashku vetëm nëse e respektojnë njëra-tjetrën.

Këto komente të tij vijnë në kohën kur të dyja vendet janë në negociata për një rritje të mbështetjes financiare amerikane për betejën e Pakistanit kundër kryengritësve dhe në këtë ndihmë mund të përfshihen kushte.

Aleanca mes Shteteve të Bashkuara dhe Pakistanit nuk ka qënë kurrë e lehtë.

Shërbimet pakistaneze të shërbimeve sekrete kanë patur një histori të mbështetjes aktive të militantëve islamikë duke i përdorur për fitime politike në pjesën e Kashmirit që administrohet nga India dhe në Afghanistan.

Dhënia fund e kësaj marrëdhënieje ka qënë e vështirë, megjithë presionin e ushtruar nga SHBA-ja.

Uashingtoni ende ka pyetje lidhur me sinqeritetin e qeverisë dhe të ushtrisë pakistaneze.

Ndërkaq në terren, nuk ka dyshim se kriza po thellohet.

Në vitet e fundit, kryengritja në rajonet fisnore është forcuar dhe zgjeruar.

Ushtria pakistaneze është dislokuar atje dhe ka korrur disa fitore.

Por brenda Pakistanit, përdorimi i forcës kundër popullit është një çështje shumë e debatueshme.

Disa thonë se fokusi duhet të jetë në negociatat si një rrugë paqeje.

Të tjerët i shohin marrëveshjet e paqes si vendosje precedentësh të rrezikshëm.

Shtetet e Bashkuara po kërkojnë rritjen e veprimeve ushtarake kundër talebanëve dhe duan rrezultate vendimtare.

Durimi i amerikanëve po soset.

Përdorimi i avionëve pa pilot në rajonet finsore, megjithë kundërshtimin e Pakistanit, ka dërguar një mesazh të qartë se nëse Pakistani nuk e bën këtë, atëherë SHBA-ja do ta bëjë.

E gjitha kjo e vendos qeverinë e Paksitanit në një pozitë të vështirë.

Por nga ana tjetër, ajo përballet me kritikët që e akuzojnë se vendos interesat amerikane përpara atyre të vendit.

Për shumë pakistanezë, rritja dramatike e dhunës militante në mbarë vendin vetëm sa shton frikat se aleanca aktuale me SHBA-në nuk po funskionon.