Kampet u ngritën si zgjidhje afatshkurtër 9 vjet më parë, por ato janë ende atje.

Korrespondenti i BBC-së Nick Thorpe vizitoi kampin "Çesmin Lug" ku jetojnë më shumë se 500 romë. Kampi është ndërtuar nga OKB pranë shkritores së plumbit të Trepçës.

Vetë fabrika është mbyllur pasi paraqiste rrezik për shëndetin, por mbetjet janë ende atje.

Prindërit ankohen se fëmijët vuajnë nga disa sëmundje si dëmtime në tru dhe epilepsi dhe kjo është vërtetuar edhe nga studime mjekësore të kryera nga OBSH dhe autoritetet mjekësore.

Kur Kosova shpalli pavarësinë vitin e kaluar, OKB ia dorëzoi përgjegjësinë për kampet qeverisë kosovare.

Sasha Rashiq, ministër për komunitetet dhe të kthyerit thotë:

"Ne na u dha ky problem vetëm disa muaj më parë dhe nuk mund ta zgjidhim atë brenda një periudhe të shkurtër, le të themi. Iu desh OKB dhe të tjerëve pothuajse 9 vjet dhe nuk pati asnjë përmirësim."

Por zona ku janë vendosur kampet është efektivisht jashtë kontrollit të qeverisë së Kosovës, në pjesën veriore të Mitrovicës që kontrollohet nga pala serbe.

Misioni i ri i OBSH do të studioje kushtet në dy kampet dhe do të shohë mënyra se si të evakuojë popullsinë rome atje.