Sulmet izraelite kanë vazhduar

Sekretari i Përgjithshëm i Organizatës së Kombeve Ban Ki-Moon, është angazhuar për të dyfishuar përpjekjet për të siguruar një armëpushim afatgjatë dhe të qëndrueshëm në Gazë.

Duke folur në Kajro në fillim të një vizite në rajon, Z. Ban tha se shpresonte që inisiativa diplomatike egjiptiane të jepte rezultate sa më shpejt.

Egjipti thotë se ka diskutuar disa propozime me një delegacion të Hamasit në Kajro.

Z. Ban tha se "sulmet me raketa të Hamasit duhet të ndalohen", por në të njëtën kohë, dënoi përdorimin e tepërt të forcës nga ushtria izraelite.

Pas Egjiptit, Sekretari i Përgjithshëm i OKB-së, do të udhëtojë për në Jordani, Izrael, Bregun Perëndimor, Turqi, Liban, Siri dhe Kuvajt.

Intensifikone luftimet

Ndërkohë, kanë vazhduar luftimet dhe përreth qytetit të Gazës.

Ka njoftime për shpërthime sporadike dhe përleshje të ashpra mes trupave izraelite dhe militantëve palestinezë.

Një producent i BBC-së në qytetin e Gazës thotë se forcat izraelite pothuajse e kanë rrethuar qytetin dhe janë në fakt duke e ndarë më dysh Rripin e Gazës.

Izraeli gjatë natës kreu mbi 60 sulme ajrore. Gjatë njërit sulm janë shkatërrua shumica e varreve në një varrezë.

Izraeli thotë se kishte vënë në shënjestër një grup që sulmonte me raketa dhe një vend ku ishte magazinuar armatim.

Raketa nga Libani

Për herët ë dytë brenda dy javëve, mbi Izraelin është qëlluar me raketa nga Libani.

Nuk është e qartë se kush qëndron pas tyre. Izraeli u kundërgjigj me sulme artilerie.

Siç kanë bërë dhe më parë, zyrtarët izraelitë janë përpjekur ta zvogëlojnë rëndësinë e incidentit në përpjekeje për të pakësuar frikën e përhapjes së dhunës në Gazë në frontin verior.

Ndërkohë, një korrespondent I BBC-së thotë se ka shenja përçarje në gjrin e kabinetit izraelit për fushatën në gazë.

Minisitri i Mbrojtjes favorizon një ulje të intensitetit të fushatës, kurse kryeministri Ehud Olmert është për vazhdimin e sulmeve.