Sulmi në shkollë shkaktoi mbi 30 të vdekur

The Times ka artikullin me titull " Vdesin 40 vetë, ndërsa mortaja izraelite godet shkollën në Gazë." Po në gazetë është dhe qëndrimi i Izraelit se Hamasi po qëllonte nga shkolla, ndërsa numri i të vdekurve në Gaza arrin në 640. Sulmi mbi shkollën ishte një nga më të përgjakshmet që me fillimi i konfliktit, shkruan gazeta.

The Indipendent në faqe të parë ka fotografi nga shkolla në Gazë dhe pyetjen PSE?

Zemërim global pasi Izraeli bombardon një shkollë të OKB që konsiderohej të ishte jashtë rrezikut.

Në The Indipendent është dhe artikulli tjetër me titull "Pse e urrejnë ata perëndimin kaq shumë, do të pyesim." Përsëri, shkruan gazetari, Izraeli ka hapur portat e skëterrës për palestinezët. 40 refugjatë të vdekur në një shkollë të OKB, tre në një tjetër. Jo keq për një natë pune në Gaza nga ushtria që beson në pastërtinë e armëve.

Po gazetari pyet se pse duhet të çuditemi dhe sjell në kujtesë ngjarje të ndryshme ku janë vrarë civilë nga Izraeli si gjatë pushtimit të Libanit në 1982 apo masakrën në Kana në 1996 etj.

Në gazetë citohen dhe fjalët e kryeministrit britanik Gordon Brown se ky është një nga momentet më të errëta për Lindjen e Mesme. Na prek të gjithëve.

The Financial Times shkruan "Fëmijët paguajnë çmim të lartë për situatën e krijuar" si dhe "Teherani ende i kujdesshëm në publik, megjithë protestat."

Gazeta thotë se megjithëse Irani akuzohet se sponsorizon Hamasin dhe autoritetet arabe fajësojnë Teheranin që po inkurajon dhe forcon grupin palestinez, strategjia e Iranit duket që të mos ndërhyjë direkt në konflikt.

The Daily Telegraph në një artikull tjetër citon shefin e shërbimit sekret MI5 këtu në Britani se "Rënia ekonomike rrit rreziqet e terrorizmit. "

Jonathan Evans tha se MI5 ka arritur sukses ndaj al Kaidas në dy vitet e fundit, por theksoi se rënia ekonomike e Britanisë, Amerikës dhe Evropës shton kërcënimet ndaj sigurisë kombëtare.

The Guardian shkruan "Evropa dridhet, ndërsa grindja e Rusisë me Ukrainën mbyll rubinetat."

Disa shtete në Ballkan thotë gazeta njoftojnë për mbyllje të plota të furnizimeve.

Gjermania që është dhe aleati më i madh politik i Rusisë në Evropë mbrëmë paralajmëroi se furnizimi me gaz rus mund të bjerë

Grupi i koordinimit të gazit në Evropë do të takohet në një takim urgjent të premten për të dërguar gaz rezervë në ndihmë të vendeve që kanë më shumë probleme.