Ban Ki Moon bëri thirrje për ndihmë ndërkombëtare

Një zëdhënës i ushtrisë tha se veprimet ushtarake do të pezullohen çdo ditë për një periudhë prej tre orësh.

Israeli thotë se kjo do ti japë kohë agjensive të ndihmës për të çuar furnizime banorëve të Gazës.

Ky vendim hyn në fuqi që sot në orën një sipas orës lokale.

Israeli po ashtu thote se do të hapë atë që e përshkruan si një korridor humanitar në mënyrë që furnizimet të mbrrijnë në Gazë.

Ban Ki Moon dënoi Israelin për bombardimet e tij ndaj Gazës, si edhe Hamasin për raketat që ka hedhur ndaj Izraelit.

Duke drejtuar një sesion në Keshillin e Sigurimit në New York, ai bëri thirrje për ndihmë ndërkombëtare për popullsinë në Gaza, por insistoi se çështjet afatgjate të ndarjeve palestineze dhe konflikit me Izraelin, duhen adresuar seriozisht:

" Ne na duhet urgjentisht të arrijmë unitetin palestinez dhe riunifikin e Gazës me Bregun Perëndimor, brenda kuadrit të autoriteteve palestineze dhe urgjentisht duhet të shohim vazhdimin e negociatave për një zgjidhje politike për konfliktin Israelo-Palestinez, për të cilin ne kemi punuar shumë në 2008, por që nuk mundëm të arrijmë rezultat."

Ky këshill ka përgjegjësinë kryesore për mbarëvajtjen e paqes dhe sigurisë ndërkombëtare.

Unë shpresoj që keshilli të veprojë shpejt dhe me vendosmëri që t'i japë fund kësaj krize.

Ndërkohë plani i propozuar nga Egjypti dhe Franca për një armëpushim të menjëhershëm në Gaza, është mirëpritur nga anëtarët kryesorë pjesëmarrës në një sesion të veçantë të Këshillit të Sigurimit në New York.