Botuar: E martë, 30 dhjetor 2008 - 07:25 CET

Gaza në fokus të titujve

Gazetat i kushtojnë një vëmendje të veçantë zhvillimeve në Gaza.

The Indipendent ka artikullin me titull "Tani Izraeli shpall luftë deri në fund të hidhur."

Numri i të vdekurve tashmë ka arritur në 320 që nga e shtuna. Ndërsa Izraeli kreu më shumë se 20 sulme ajrore dhe i shpalli komunitetet izaelite në kufi një zonë ushtarake të mbyllur për herë të parë, militantët në Gaza gjuajtën më shumë se 70 raketa.

The Times ka artikullin po për Gazën "Gaza goditet ndërsa Izraeli betohet të fshijë Hamasin." Në foto në faqe të parë të gazetës janë dy fëmijë palestinezë që i gjuajnë me gurë ushtarëve izraelitë në Hebron.

The Guardian ka artikullin me titull "Një natë jo e mirë - Gerrard ndalohet nga policia pas një grindje në një bar." Kapiteni i Liverpulit ishte midis 6 të arrestuarve pasi një person pësoi të çara në fytyrë.

Sipas policisë, Gerrard u pyet nga policia nën dyshimin e sulmit mbi një viktimë, DJ i barit, në një nga vendi i preferuar i personave të njohur.

Por as policia, as Liverpuli nuk janë gati të japin detaje të mëtejshme.

Gerrard dhe disa të tjerë po festonin fitoren e Liverpulit ndaj Newcastle-it me rezulatin 5-1.

Po në Guardian është artikulli "Putin dështon të kapërcejë bllokimin e bisedimeve, ndërsa grindja me Ukrainën kërcënon një treg të gjerë. Gazprom do të fillojë një ofensivë sot në Londër në përpjekjen për të shmangur konfrontimin me Ukrainën lidhur me furnizimin me gaz.

Sot pritet që në Londër, Alexander Medvedev, zv shef i Gaprom të flasë para gazetarëve për t'u shpjeguar se Rusia ka bërë ç'është e mundur që të shmangë ndërprerjet e energjisë në Ukrainë që mund të ndodhë në 1 janar.

Ai tha se do të përpiqet që shpjegojë se është thjesht një mosmarrëveshje tregtare me Ukrainën.

Financial Times ka artikullin me titull "Stërlina bie në favor të Euros."

Stërlina arrin në nivelin më të ulët në pothuajse 0.98. Në mes spekullimeve se të dyja monedhat mund të barazohen në vlerë së shpejti, stërlina ra me 1.9%.

Tregu është kaq negativ ndaj stërlinës tha një specialist saqë edhe një lajm i vogël jo i mirë për tregun shtyn investitorët drejt Euros.

Rënia e Stërlinës vjen në kohën kur ka parashikime për humbje të afro 600 mijë vendeve të punës vitin tjetër dhe kur mësohet se banka e Anglisë do të ulë përsëri shkallën e interesit me 2%.

"Rregulla të reja për shoferët këtu në Britani," shkruan Daily Telegraph.

Shoferët do të përballen me kontrolle shëndetësore për të parë nëse ata janë të aftë t'i japin makinës.

Çdo 10 vjet kush i jep makinës duhet të deklarojë se nga ana shëndetësore janë të aftë ta bëjnë një gjë të tillë.

Lëvizja ka si qëllim të largojë nga timoni shumë persona të moshuar që i japin makinës dhe kur vuajnë nga sëmundje që mund të kenë impakt tek mënyra se si i japin makinës.