Botuar: E hënë, 01 dhjetor 2008 - 18:14 CET

Hilari Klinton emërohet Sekretare e Shtetit

Presidenti i sapozgjedhur amerikan, Barak Obama, ka emëruar ish rivalen e tij për president në kuadër të Partise Demokratike, Hilari Klinton, si Sekretare Shteti.

Në një konferencë shtypi në Çikago për të shpallur përbërjen e ekipit të tij të sigurisë kombëtare ai e përshkroi senatoren Klinton, si një amerikane me vlera të mëdha.

Ndërkohë ai ka kërkuar nga sekretari aktual i mbrojtjes, Robert Gates, që të vazhdojë në këtë post.

Zoti Obama tha se sfidat në fushën e sigurisë me të cilat ballafaqohen Shtetet e Bashkuara janë po aq të mëdha sa ato që kanë të bëjnë me krizën financiare.

Zoti Obama, i cili fillon presidencën e tij në janar të vitit të ardhshëm emëroi guvernatoren e Arizonës, Janet Napolitano, si skeretare të sigurisë së atdheut.

Ndërsa këshilltarja afatgjatë e Barak Obamës, Susan Rice, do të shërbejë si ambasadore e Amerikës në OKB.