5 muaj burg për ish ministrin e kulturës në Kosovë

Ish-këshilltari i tij, Bajrush Morina, është dënuar me 3 muaj heqje lirie.

Të dy janë dënuar për shpërfillje të Gjykatës dhe përpjekje për të ndikuar mbi dëshmitarët gjatë gjykimit të ish-kryeministrit të Kosovës, Ramush Haradinaj.

Zoti Haradinaj, që u akuzua në vitin 2005, për krime lufte, u lirua si i pafajshëm nga të gjitha akuzat, dy vjet më pas.

Procesi gjyqësor ndaj zotit Haraçija dhe zotit Morina, filloi një vit më parë dhe të dy ata kanë kundërshtuar akuzat ndaj tyre.

Pala mbrojtëse ka kërkuar që afati i apelimit ndaj vendimit të zgjatet për shkak të festave të fundvitit, por trupi gjykues ka lënë të kuptohet se afati për apelim do të mbetet vetëm 15 ditë.

Gjykata Ndërkombëtare për Krime Lufte, ka dënuar me te holla, pak muaj më parë, për shpërfillje të saj, edhe publicistin kosovar Baton Haxhiu, për shkak të publikimit të të dhënave të një dëshmitari të mbrojtur në rastin Haradinaj.