Presidenti Bush feston arritjen e marrëveshjes së sigurisë në Irak

Shtëpia e Bardhë tha se presidenti do të takohet me udhëheqësit irakianë.

Ai do të festojë marrëveshjen e re të sigurisë mes të dy vendeve dhe do të falenderojë trupat amerikane që shërbejnë në Irak.

Kjo është vizita e katërt e presidentit Bush dhe pritet që të jetë e fundit përpara se ai të largohet nga posti në muajin janar.

Korrespondentët thonë se presidenca e presidentit Bush është shënuar nga vendimi i tij i kritikuar për pushtimin e Irakut në vitin 2003 dhe periudha kaotike që shënoi vitet e pasluftës.

Bisedimet përqëndrohen tek hollësitë e tërheqjes së trupave amerikane mbështetur në marrëveshjen e re për sigurinë.

Vizita e tij vjen në kohën ku shtypi amerikan publikoi hollësi të një raporti të qeverisë amerikane.

Raporti thotë se rindërtimi i Irakut të pasluftës është penguar nga përplasjet byrokratike dhe mosnjohja e elementeve kryesorë të shoqërisë irakiane.