Ky është mandati i tretë i tij në krye të partisë kryesore opozitare, e cila në vitet e kaluara ka udhëhequr me qeverinë e Kosovës.

Aleancës i është bashkuar edhe zyrtarisht, publicisti dhe botuesi i të përditshmes ZERI, Blerim Shala, ndërkohë që ish-zëvendësshefi i UNMIK-ut, Steven Schook, është zgjedhur këshilltar politik i kryetarit të partisë.

Ramush Haradinaj, bëri me dije se partia e tij po bëhet gati për zgjedhjet e reja parlamentare, që sipas tij do të duhej të mbaheshin në vjeshtën e vitit të ardhshëm.

Autoritetet kosovare kanë thënë se zgjedhjet do të mund të mbahen vetëm pasi të jetë kryer mandati pas katër vjetësh.