Bridget Kendall Korrespondent diplomatik e BBC-së

	Dr Rice në turne për çështjet urgjente të politikës së jashtme

Kjo vizitë është në kuadër të një turneu në disa vende evropiane që përfshin edhe bisedime të nivelit të lartë në selinë e Natos dhe që kanë të bëjë me marrëdhëniet me Rusinë.

Vizita e zonjës Rice vjen në kohën kur presidenti i zgjedhur amerikan, Barack Obama pritet të njoftojë zgjedhjen e tij për sekretar të Shtetit.

Por çështjet urgjente të punëve të jashtme do të thonë se turneu i saj nuk do të lihet në hije nga politika e brendshme.

Ka pak dyshime se bisedimet e Condoleezza Rice me kryeministrin britanik dhe sekretarin e Jashtëm do të prekin sulmet në Indi dhe efektin që ato do të kenë në marrëdhëniet mes Indisë dhe Pakistanit.

Të tjera çështje urgjente përfshijnë edhe piraterinë në brigjet e Somalisë dhe dhunën në Kongon lindore.

Por qendra e bisedimeve mes ministrave të jashtëm, për të cilat ajo shkon në selinë e NATO-s ka të bëjë me marrëdhëniet me Rusinë, të cilat kanë qënë gati të ngrira gjatë verës për shkak të konfliktit në Gjeorgji.

Dr Rice ka dhënë shenja se SHBA-ja nuk kërkon më konfrontim me Rusinë, ndaj edhe nuk do të nxisë çështjen që Gjeorgjisë dhe Ukrainës t'u jepet drita jeshile për të qënë pjesë e plan-veprimit për anëtarësim në NATO.

Është edhe më e paqartë nëse anëtarët e NATO-s do të vendosin për rifilimin e dialogut me Rusisnë.

Por fakti që Dr Rice vjen fillimisht në Londër, tregon se Britania dhe SHBA-ja kanë një shans për të krahasuar që përpara vendimet dhe për qartësuar qëndrimet e tyre.