Botuar: E enjte, 20 nëntor 2008 - 18:37 CET

Trupa të tjerë në Kongo

Këshilli i Sigurimit të OKB-së ka votuar unanimisht për dërgimin e tre mijë trupave dhe policëve shtesë në Republikën Demokratike të Kongos.

Kjo e çon numrin e paqeruajtësve të OKB-së në rajon në rreth 20 mijë, misioni më i madh i këtij lloji në botë.

Luftimet më të fundit midis trupave të qeverisë dhe forcave rebele në rajonin lindor të Kongos kanë detyruar zhvendosje të çerek milioni njerëzish duke krijuar një krizë humanitare.

Korrespondenti i BBC-së në Kongo thotë se mandati e paqeruajtësve të OKB-së në Kongo supozohet t'u bëjë të qartë të gjithë komandantëve se ata mund të përdorin të gjitha mjetet e nevojshme për të mbrojtur popullatën vendase.