Fati i të zhvendosurve pritet të dominojë takimin

Asnjë detaj nuk ka dalë deri më tani, por autoritetet gjeorgjiane thanë se ata nuk u takuan ballë për ballë me homologët rusë.

Bisedimet u organizuan nga OKB dhe BE që kanë vendosur në të njëjtën kohë edhe ndalim të pjesëmarrjes së medias në takim.

Një nga pikat kryesore të mosmarrëveshjes ka patur të bëjë me nivelin e pjesëmarrjes së përfaqësuesve nga Osetia e Jugut dhe Abhkazia.

Rusia i ka njohur këto dy rajone si shtete të pavarura, por Gjeorgjia i sheh ato si pjesë integrale të territorit të vet.