Imogen Foulkes BBC, Gjenevë

	OBSH do të kërkojë dhënien fund të pabarazive në kujdesin shëndetësor

Ky është një sektor që OBSH-ja beson se është neglizhuar nga shërbimet shëndetësore në mbarë botën.

OBSH-ja, 30 vjet më parë propozoi një angazhim global për shëndetin parësor Alma Ata.

Deklarata në Alma Ata përcakton shëndetin si një gjendje të plotë të mirëqënies fizike, mendore dhe sociale dhe shton se niveli minimal i shëndetit parësor ka të bëjë me lehtësirat për të përdorur ujë të pastër dhe medikamenteve themelore.

Kjo deklaratë e nënshkruar nga 134 vende vlerësohet si një moment historik në shëndetin publik.

OBSH-ja dhe vendet anëtarë janë kthyer në Almati, siç njihet sot qyteti Alma Ata në Kazakistan, për të rifilluar fushatën për kujdesin për shëndetin parësor.

Por shumë gjëra kanë ndryshuar që prej vitit 1978.

Afrika po lufton me epideminë e HIV/Aids. Në shkallë globale përpara se të premtojnë para për shëndetin, shumë qeveri janë duke shpenzuar miliona për të shpëtuar bankat e tyre.

Por në raportin e ri OBSH-ja pritet tu kërkojnë vendeve anëtare që të bëjnë më shumë për t'i dhënë fund pabarazive në shëndetin parësor.

Kjo do të thotë një angazhim politik dhe financiar për shërbimin universal shëndetësor.