SHBA duket se po ndjek shembullin britanik

Ai tha se paratë do të vijnë nga paketa prej 700 miliardë dollarësh e aprovuar në kongres.

Presidenti Bush gjithashtu tha se qeveria do të garantojë përkohësisht borxhet që bankat kanë, për të përballuar kështu pafaatësinë e tyre për të marrë para hua.

Ai tha se masat kishin si qëllim të ndihmonin bankat e shëndetshme të jepnin përsëri hua dhe të stabilizonin bankat me probleme.

Tregjet me shenja të tjera të përmirësimit

Tregjet evropiane kanë filluar punën me rritje të aksioneve pas një paraqitje jashtëzakonisht të mirë të bursave aziatike.

Analistët thonë se ndërsa rreziku imediat i rrënimit të sistemit global financiar po largohet, ende ekzistojnë shqetësimet për recesion.

Tregjet financiare të Londrës, Parisit dhe Frankfurtit, të gjithë pasuan një rritje prej 5% në orët e para.

Indeksi i Nikeit në Tokio pa rritjen më të madhe brenda një dite duke u mbyllur më shumë se 14% më lart.

Edhe bursat e Lindjes së Mesme filluan tregtinë me rritje.