Disa vetë u plagosën kur policia përdori gazin kundër turmës

Më shumë se 20 vetë u plagosën në përplasjet me policinë, e cila përdori gazin lotsjellës për të shpërndarë turmën.

Në muajin shkurt, Kosova shpalli pavarësinë nga Seria e cila është kundër ndarjes.

Sikurse Mali i Zi edhe Maqedonia e njohu pavarësinë e Kosovës.

Javën e kaluar, Serbia dëboi ambasadorët maqedonas dhe malazez nga Beogradi.

Presidenti serb Boris Tadiç, sulmoi njohjen prej këtyre shteteve të Kosovës, si thellësisht të gabuar dhe në kundërshtim me të drejtën ndërkombëtare.

Ai tha se kjo nuk i kontribuonte stabilitetit rajonal apo marrëdhënjeve të mira fqinjësore.

Ndërkaq shumica e Asamblesë së Përgjithshme të OKB-së pranoi që Serbia të kërkojë mendimin e Gjykatës Ndërkombëtare lidhur me ligjshmërinë e pavarësisë së Kosovës.

Kjo lëvizje sipas disa shteteve perëndimore do të ngadalësojë integrimin e Kosovës në komunitetin botëror.

Pritet që Gjykata Ndërkombëtare e Drejtësisë në Hagë të kërkojë dy vjet që të nxjerrë opinionin e vet.

Beogradi thotë se marrja e një këshille neutrale juridike do të ndihmojë në uljen e tensioneve në rajon, por përkrahës të Kosovës thonë se do të ngadalësojë integrimin e Prishtinës në komunitetin ndërkombëtar.

Gjykata Ndërkombëtare e Drejtësisë do të japë vetëm një opinion, i cili nuk është i detyrueshëm për t'u zbatuar.