Z. Gates kërkoi mbështetje për fushatën e Afganistanit

"Ka vetëm një rrugë për t'u anëtarësuar në NATO," tha z. Gates.

"Kjo është konsensusi i përbashkët i të gjitha vendeve anëtare të Aleancës".

Sekretari amerikan i Mbrojtjes mori pjesë të mërkurën në takimin e ministrave të Mbrojtjes të 12 vendeve të Evropës Juglindore në Ohër.

Takimi i përvitshëm synon që të promovojë paqe dhe siguri në rajon dhe më gjerë.

Përkrahje

Sekretari amerikan i Mbrojtjes tha se vendi i tij e përkrah integrimin e vendeve të rajonit në organizma si NATO.

Por ai kërkoi dhe përkrahjen e vendeve të Evropës Juglindore për operacionet ushtarake që udhëhiqen nga SHBA.

"Me përmirësimin e situatës në terren në Irak, ju bëj thirje që të dërgoni forcat tuaja ushtarake në Afganistan", tha ai.

Ndërkohë, ministrat e rajonit, me një deklaratë të përbashkët, shfaqën shpresë për angazhimin e shpejtë të Serbisë dhe Mali i Zi, në inisativat e Aleancës.

Gates për Maqedoninë

Z. Gates i dha një mesazh të qartë Maqedonisë kur tha se për anëtarësimin në NATO, asaj i duhej konsensusi i të gjithë vendeve anëtare, pra dhe miratimi i Athinës.

Ai i bëri thirrje Shkupit që të punonte për zgjidhjen sa më të shpejtë të mosmarrëveshjeve për emrin.

Deklarata e zyrtarit të lartë të administratës amerikane u bë në një kohë kur në Nju Jork, ndërmjetësi i OKB-së për çështjen e emrit, pritet të bëjë propozimin e fundit pas takimeve me përfaqësuesit grekë dhe maqedonas.

Ministri i Mbrojtjes edhe kryeministri Gruevski, në fjalimet e tyre në takimin e Ohrit, shprehën zhgënjim që nuk u ftuan për anëtarësim në NATO-s në samitin e fundit të Aleancës.

Biseda për Kosovën

Z. Gates udhëtoi për të marrë pjesë në takimin e Ohrit nga Kosova fqinjë.

Zyrtari i lartë amerikan vizitoi të martën trupat amerikane të dislokuara atje dhe u takua me zyrtarë të lartë kosovarë.

Ai u bë zyrtari i parë i lartë i administratës që vizitoi Kosovën pas shpalljes së pavarësisë në mujain shkurt.

Pas takimit të z. Gates me zyrtarët e lartë të shtetit fqinj, Maqedonisë, ministri i Mbrojtjes, Konjanovski tha se vendi tij, përsa I përkjet njohjes së pavarësisë së Kosovës do të ndiqte rrugën e partnerëve të BE-së dhe NATO-s:

"Republika e Maqedonisë ka përcaktuar qartë rrugën drejt së cilës do të shkojë. Ajo është drejt integrimeve të NATO-s dhe BE-së.

Ne shqyrtojmë marrjen e vendimit për këtë çështje duke marrë parasysh interesat e shtetit dhe të rajonit," tha ai.