Rreth 12 patrulla evropiane filluan misionin e tyre në Gjeorgji të mërkurën

Kjo do të thotë tërheqje nga zonat e vetëshpalluara të sigurisë rreth rajoneve të shkëputura të Abkhazisë dhe Osetisë Jugore.

Kreu i misionit të BE-së, Hans-Joerg Haber, konfirmoi se trupat ruse kishin hequr një prej postoblloqeve pranë qytetit Gori.

Ai tha se po zhvilloheshin bisedime për heqjen e 20 postoblloqeve të tjera.

Në bazë të rregullave të armëpushimit, të ndërmjetësuar nga Franca, forcat ruse duhet të largohen nga territoret e padiskutuara gjeorgjiane deri ditën e premte.

Një zyrtar nga ministria e Brendshme gjeorgjiane, Shota Utiashvili tha se prisnin që më shumë trupa ruse të tërhiqeshin së shpejti.

"Nuk e di nëse Rusia do t'i përmbahet premtimit dhe do të tërhiqet nga të gjitha postoblloqet, por është e qartë se është tërhequr nga një pikë dhe ne presim që të tërhiqet nga tre të tjera", tha zoti Utiashvili.

Rreth 200 vëzhgues të BE-së nga 22 vende janë në terren për të mbikëqyrur zbatimin ushtarak të premtuar nga liderët e Kremlinit.