Kriza e kreditit ka prekur amerikanët e thjeshtë

Alan Litlle: Si kriza ashtu dhe zgjidhja e propozuar kanë hapur një të ndarë të madhe në shoqërinë amerikane dhe sigurisht në opinionin publik.

Një ndarje mes Uollstritit nga njëra anë dhe publikut të gjërë, ku pronarët e shtëpive dhe taksapaguesit duan të dinë pse dollarët e tyre të fituar me djersën e ballit duhet të shkojnë për nxjerrjen nga vështirësitë të institucioneve financiare të cilat ata i fajësojnë për krijimin e kësaj katrahure.

Po ashtu ka shumë skpeticizëm nëse 700 miliardë dollarët që do të përdoren për nxjerrjen nga vështirësitë të institucioneve financiare realisht do të ndihmojnë publikun dhe përmirësojnë perspektivën e biznesit këtu në Shtetet e Bashkuara.

Me mua këtu është Dejvid Uodëll i cili është këshilltar financiar këtu në Memfis dhe Xhon Breg, i cili është pronar restoranti.

Së pari me ty Dejvid si do të funksionojë kur të miratohet më në fund ky ligj?

Dejvid Uodëll: Aktualisht tregjet e kredive janë të ngrira ndaj për pronarët e bizneseve të vogla që hynë në linjat e kreditit me bankierët, vihet re se bankierët nuk janë të gatshëm të shtyjnë në kohë marrëveshjet e kreditit.

Aktualisht financimi afatshkurtër, është i pamundur për tu siguruar. Kjo e bën shumë të vështirë për njerëzit që thjesht të operojnë me bizneset e tyre.

Ndaj kjo kategorizon fenomenin e Uollstritit, por për momentin nuk merr do hua nga bankat për të blerë një makinë apo për të financuar një kartë krediti, apo të hapësh një linjë krediti për biznesin tënd, atëhere kjo bën që të ndodhesh në një ambjent shumë sfidues.

BBC: Pra, një biznesmen që sheh një të çarë në treg dhe një shans në treg, thjesht nuk e përdor dot në avantazh të vetin, pasi nuk siguron dot kapitalin, apo jo ?

Dejvid Uodëll: E saktë. Dhe ajo që do ta ristartojë ekonominë është se çmimi i inputeve do të bjerë, çmimi i krahut të punës do të bjerë, për shkak të rritjes së shkallës së papunësisë, dhe mbrin në një pikë, ku mund ta përballosh bërjen e fitimit, pasi kostot e investimit janë të ulta, dhe nëse nuk ke akses në marrjen e kredive, nuk e shfrytëzon dot avantazhin e ambjentit.

BBC: Xhon Breg ju jeni një pronar restoranti, quhet Serka, një restorant elegant dhe nuk është i lirë nga çmimet. A të shqetëson ideja se njerëzit mund të mendojnë, nuk po shkoj në restorant sot dhe po kursej, pra po ha në shtëpi sonte?

Xhon Breg: Mendoj se kjo frikë është e pranishme në mëndjet tona si pronar restorantesh.

Por ajo që ne kemi bërë është se kemi zgjeruar ofertat tona dhe komunikojmë ndryshimet tek klientët tanë, për të pasur disa alternative të ndryshme.

Shikojë se si njerëzit që shkojnë nëpër restorante mbrëmjeve, kanë ndryshuar me kalimin e viteve,dhe nuk është se janë vetëm të pasurit që shkojnë nëpër restorante të mira, por edhe shumë njerëz profesionist.

BBC: Kjo ka ndikuar në biznesin tuaj?

Xhon Breg: Kemi vënë re se ka disa njerëz që kërkojnë lluksin në restorantet që shkojnë, po ka një frikë dhe një ndjenjë që lexohet ku njerëzit kërkojnë të hanë jashtë për të qëndruar në shtëpi e të mos shikojne lajmet tërë kohës, pasi i kap paniku nga ato që dëgjojnë dhe shikojnë.

BBC: A keni vënë re një lloj të ri klientele?

Xhon Breg: Shikojmë klientele të re nga industri të tjera, si në ato të agrobiznesit dhe energjitikës, që mund të mos kenë qënë klient të rregullt në të kaluarën.

BBC: Dhe këta janë ata njerëz që po u ecën biznesi në këto kohë?

Xhon Breg: Po. Shpesh me çmimet e drithërave dhe mallrave të tjera të konsumit që vijnë e rriten, atyre po u ecën biznesi më mirë në ditët tona.

BBC: Dejvid nëse ky ligj miratohet dhe tani duket shume e pasigurt, dhe kjo pasiguri vetë ka prekur tregjet, sa shpjet mund të vihen re ndryshimet?

Dejvid Uodëll: Vetëm njoftimi për një gjë të tillë përpara një jave e gjysëm, bërri që indeksi mesatar i Dau Xhonsit të rritej shumë, kur kishte rënë më parë në nivele që nuk ishin parë që nga koha e Depresionit të Madh.

Pra, nëse miratohet, do të ketë efekt të madh, do të mbështesë tregjet, do të ul çmimet e kreditit, do të ketë investitore që do të nxitojnë të blejnë asetet e të tjerëve që janë në vështirësi, me shpresën se do të jenë në gjëndje tia shesin qeverisë, pas tre apo katër ditësh, me një përfitim të majmë.

Pra, nëse kjo nuk është Aramagedon dhe nëse e kalojmë këtë situatë, kjo do të krijojë një mundësi të madhe blerëse.

BBC: E nëse nuk miratohet ligji për 700 miliardë dollarët?

Dejvid Uodëll: Nëse dështon, do të doja që në vënd të një pjatalarëse, në restorantin e Xhonit të punoja unë si pajtalarës tek restoranti i tij Serka.

.