BBCAlbanian.com
 
Botuar: E shtunë, 27 shtator 2008 - 06:31 CET
 
Dërgoja një miku   Version i printueshëm
Obama e McCain flasin për krizën financiare
 
John McCain dhe Barack Obama
Kriza financiare dominoi debatin e parë televiziv të kandidatëve
Kriza financiare në Shtetet e Bashkuara ka dominuar debatin e parë presidencial mes kandidatëve për Shtëpinë e Bardhë, John McCain dhe Barack Obama.

Senatori Obama tha se problemet ishin më të vështirat që prej periudhës së njohur si depresioni i madh në vitet 1930.

Senator McCain sugjeroi ngrirjen e shpenzimeve në shumë sektorë përveç atij të mbrojtjes.

Zoti Obama e krahasoi propozimin me fjalët 'është njësoj sikur të përdorësh një sqepar kur ke nevojë për një bisturi'.

Ai rekomandoi tërheqjen e trupave amerikane nga Iraku.

Gjatë debatit senatori McCain tha se nuk besonte se rivali i tij kishte eksperiencën për të drejtuar.

"Unë nuk mendoj se kam nevojë për trajnim për detyrën. Jam gati ta marrë atë që tani," shtoi ai.

Megjithëse zoti McCain dukej më komod gjatë debatit, sondazhet sugjeruan se zoti Obama me paraqitjen e tij impresionoi disa prej votuesve të pavendosur, thotë një korrespondente e BBC-së.

Debati në Misisipi i transmetuar në televizion ishte planifikuar të përqëndrohej në politikën e jashtme.

Ndërkaq të premten çmimet e aksioneve në Nju Jork shënuan rritje në kohën që udhëheqësit kongresistë vazhdonin përpjekjet e tyre për të miratuar planin e shpëtimit për sistemin financiar amerikan me vlerë prej 700 miliard dollarësh.

Indeksi kryesor Dow Jones ishte lart kur Bursa mbylli shkëmbimet të premten, në kohën kur ka shpresa se ligjvënësit të mund të arrijnë një marrëveshje gjatë fundjavës.

Presidenti Bush dhe të dyja palët në Kongres janë përpjekur që të bindin publikun amerikan se arritja e një marrëveshjeje është e afërt.

Kryetarja e Dhomës së Përfaqësuesve, Nancy Pelosi, tha se bisedimet kishin rifilluar.

Përpara kësaj deklarate presidenti Bush pranoi se kishte mospajtime lidhur me disa aspekte të planit, por theksoi se të gjithë e pranonin se kishte nevojë që të bëhej diçka substanciale.

 
 
LOKALE
Dallime për paketën financiare
26 shtator 2008 | Faqja Kryesore
Bush thotë se ndihma do të miratohet
26 shtator 2008 | Faqja Kryesore
Rivalët në bisedime për ekonominë
25 shtator 2008 | Faqja Kryesore
Bush kërkon miratimin e paketës
25 shtator 2008 | Faqja Kryesore
Kongresi skeptik për planin e ndihmës
24 shtator 2008 | Faqja Kryesore
Ndryshon imazhi tradicional në Wall Street
22 shtator 2008 | Faqja Kryesore
GJITHASHTU
 
 
Dërgoja një miku   Version i printueshëm
 
 
 
BBC ©
 
^^ Kthehu në krye
 
  Arkiv
 
  BBC News >> | BBC Sport >> | BBC Weather >> | BBC World Service >> | BBC Languages >>