Stëprvitja do të bëhet në ujërat venezueliane

Një oficer i lartë i Flotës Detare të Venezuelës tha se katër anije ruse do të merrnin pjesë në stërvitje, ku do të përfshiheshin dhe avionë e nëndetëse venezueliane.

Korrespondentët thonë se ky hap, me gjasë, do të shkaktojë shqetësim në Uashington.

Marrëdhëniet e SHBA-së me Rusinë janë përkeqësuar pas konfliktit të fundit të Moskës me Gjeorgjinë.

Ndërkohë që marrëdhëniet me Venezuelën janë përkeqësuar që nga koha kur Hugo Chavez u zgjodh president në vitin 1999.

Aleancë kundër SHBA

Z. Chavez, është kritiku më i zëshëm i Shteteve të Bashkuara në rajon.

Në muajin korrik Z. Chavez kërkoi krijimin e një aleance strategjike me Rusinë, për ta mbrojtur Venezuelën nga SHBA.

Karakasi dhe Moska ranë dakord për të zgjeruar bashkëpunimin në fushën e energjitikës, duke lejuar tri firma ruse të kësaj fushe të operonin në Venezuelë.

Presidenti Chavez mbështeti ndërhyrjen e Rusisë në Gjeorgji muajin e kaluar dhe e ka akuzuar Uashingtonin se ishte i frikësuar nga 'potenciali i ri botëror' i Rusisë.

Kritika amerikane

Më herët, zëvendëspresidenti amerikan Dick Cheney e kritikoi ashpër Rusinë rreth konfliktit të fundit në Kaukaz.

Ai tha se Moska po shkenle standartet e botës së civilizuar dhe po u rikthehej taktikave të vjetra sovjetike të kërcënimit dhe përdorimit të forcës.

Ai shtoi se në të njëtën kohë, Moska po kërkonte t'i prëdorte si armë burimet e saj energjitike.