Ali Zardari erdhi në vëmendje pas vrasjes së gruas së tij Banazir Bhutto

Ai mori shumicën e votave në parlamentin kombëtar dhe nga katër asambletë provinciale.

Votimi i presidentit erdhi pas dorëheqjes së ish udhëheqësit ushtarak Pervez Musharraf.

Zoti Zardari përballet me probleme të rënda ekonomike dhe kryengritjen islamike që kërcënon stabilitetin e Pakistanit.

Në momentin që kryhej votimi një makinë bombë shpërtheu në periferinë e qytetit veriperëndimor Peshauar ku u vranë të paktën 15 vetë dhe u plagosën më shumë se 40 të tjerë.

Presidenti që zgjidhet me votë të fshehtë, mori 481 vota pro nga 702, pra më shumë se 352 votat e nevojshme për t'i siguruar atij fitoren.

Zoti Zardari, - që erdhi në qendër të pushtetit politik kur gruaja e tij e ndjerë, Benazir Buto u vra dhjetorin e kaluar, - është një figurë e debatueshme.

Ai ka qënë i mbështjellë nga akuza për korrupsion, por nuk është dënuar asnjëherë.

Kur u bë e qartë fitorja dy vajzat e zotit Zardari dhe zonjës Buto përqafuan miqtë në galerinë e Asamblesë Kombëtare.

Anëtarët e partisë së zotit Zardari, PPP e cilësuan rezultatin si një "fitore për demokracinë".