Banorët u detyruan t'i hiqnin vetë gurët në pritje të mjeteve speciale

Njoftimet bënë të ditur se dhjetra shtëpi u goditën nga gurë dhe shkëmbinj të mëdhenj.

Disa dëshmitarë thanë se një ndërtesë gjashtëkatëshe në lagjen e varfër Duajka që ndodhet nën kodrat Mukatam, u kthye në një gërmadhë.

Besohet se nën rrënoja mund të ketë ende njerëz dhe numri i viktimave pritet të rritet.

Njoftimet treguan se të paktën tetë shkëmbinj të mëdhenj, secili me peshë rreth 70 ton, ranë nga majat e kodrave që shohin nga qyteti.

Ngjarja ndodhi në orën 0900 me orën lokale

Një banor vendas e përshkroi ngjarjen si një tmerr.

Nuk është e qartë se çfarë e shkaktoi rënien e gurëve, por një korrespondent i BBC-së thotë se në këtë zonë ka patur edhe më parë rrëshqitje të tokës.

Disa banorë fajësojnë ndërtimet që po bëhen në kodra, për të cilat thonë se e kanë bërë zonën të paqëndrueshme.

Banorët vendas kanë akuzuar autoritetet egjiptiane se kanë qënë të ngadalta në menaxhimin e situatës.

Ata filluan t'i hiqnin me dorë gurët në pritje të makinerive për ngritjen e objekteve të rënda.