PDSH ishte në qeverinë e shkuar të Gruevskit, por tani është në opozitë

Imer Selmani, ka zyrtarizuar tërheqjen e tij të paralajmëruar nga posti i nënkryetarit dhe nga të gjitha organet e PDSH-së.

Z. Selmani tha se do të formonte një subjekt të ri politik, i cili sipas tij, do të kishte dhe përfaqësues në parlament.

Ai tha se largimi i tij bëhej pasi ai nuk pajtohej me veprimet e partisë së tij, sidomos me ato të marra gjatë muajve të fundit.

PDSH-ja, që drejtohet nga Menduh Thaçi, është në opozitë pas zgjedhjeve të fundit në Maqedoni.

Z. Selmani nuk bëri të ditur deputetet që do t'i bashkoheshin atij në subjektin e ri politik.

PDSHja e cilësoi dorëheqjen e ish-nënkryetarit të saj si veprim të gabuar.